澳門電台《生活朝點》# 你今日躲避咗未啊？齊玩新興運動 – 躲避盤
【澳門新興運動躲避盤 邊掟邊閃邊接盤】
一個看似喺沙灘玩嘅但係軟身嘅飛盤，兩隊加起嚟二十或者二十六個人，喺一個排球場大細嘅場上將個飛盤掟嚟掟去。你有無玩過呢種澳門新興嘅運動 – 躲避盤呢？
早前，嚟自台灣、香港同本澳三地嘅躲避盤協會舉辦第一屆亞洲中學生躲避盤邀請賽（澳門站）。躲避盤近呢一年先開始喺澳門興起，而喺台灣已經推廣發展咗十幾年時間。呢種講求速度、策略、準確度、團體合拍性，結合閃避球同飛碟特色，不停掟不停避又不停接盤嘅運動，起源係點嘅呢？今集《生活寫真》，三位嚟自港澳台三地嘅教練 – 台灣躲避盤運動協會副秘書長李其隆、香港躲避盤總會主席馮英豪同埋澳門海星中學躲避盤會主教練梁永康會同我哋分享下躲避盤嘅玩法同喺三地嘅普及情況。
另外，分別嚟自香港同澳門嘅學生阿濱同芷茵，同埋台灣學生Willy嘅媽媽Erene會同大家分享吓佢哋玩躲避盤嘅「秘技」同樂趣㗎！「朝點」主持如欣發現，躲避盤除咗係種會令人想動起來玩，又可以促進親子感情嘅運動之餘，仲幾有減壓效果添！
收聽重溫:
* 用電腦收聽請記得允許flash功能開啟喔～
第一屆亞洲中學生躲避盤邀請賽（澳門站）前奏，台灣、香港、澳門三地學生友誼交流練習
台灣躲避盤運動協會副秘書長李其隆（左三）、香港躲避盤總會主席馮英豪（大二）及澳門海星中學躲避盤會主教練梁永康（左二）分享躲避盤玩法和三地普及情況
澳門海星中學躲避盤會學生梁芷茵與小學組教練黃家傑分享躲避盤運動的樂趣是怎樣的「不痛」和「刺激」
來自香港的中學生阿濱分享打躲避盤比賽的策略和技巧
來自台灣的小學生Willy和他的媽媽Erene分享躲避盤親子樂趣
廣告
最新回應