逢星期一至五 早上10:30-1:00 (FM100.7 澳門電台)

Posts tagged ‘語言’

澳門電台#生活朝點【丁酉雞年 – “雞”在各地的文化和生活用語(日語篇 & 韓語篇)】


【丁酉雞年 – “雞”在各地的文化和生活用語(日語篇 & 韓語篇)】

近年越嚟越多年青人能夠隨時開口講到三五句、甚至一口流利日語或韓語。《生活朝點》又點會錯過搵嚟日語同韓語達人教大家講吓新年祝賀語呢?

澳門日本國際交流會會長阿SAM除咗會講吓“雞”喺日本文化中嘅故事之外,仲會同我哋分享吓日本人過年嘅習俗,同我哋嘅一啲習俗都幾似㗎。至於日本嘅小朋友每年收到嘅利是錢聽講都幾理想𠻹!搞到“朝點”主持如欣聽落都幾羨慕。

講到韓文,“雞”嘅發音原來同平時睇韓劇聽到嘅“炸雞”嘅音係唔同㗎喎。曾經喺韓國留學嘅長今就會教吓大家點樣講,同埋一啲同“雞”有關嘅成語嘅韓文發音㗎。另外,佢亦會分享留學期間喺韓國同朋友聚會食嘢嘅趣事。

*唔講唔知,原來“身體健康”呢句祝福都要慎用,唔會喺新年隨便講㗎喎。快嚟重溫呢兩集內容,雞年齊做語言同文化醒目雞吧!

**按此收聽-♫ 丁酉雞年 – “雞”在各地的文化和生活用語(日語篇)**

曾於韓國留學的長今

曾於韓國留學的長今

澳門日本國際交流會會長阿SAM

澳門日本國際交流會會長阿SAM

廣告

澳門電台#生活朝點【丁酉雞年 – “雞”在各地的文化和生活用語(台語篇 & 泰語篇)】


【丁酉雞年 – “雞”在各地的文化和生活用語(台語篇 & 泰語篇)】

喺同澳門距離好近,大家嘅旅遊熱點台灣同泰國,究竟又有啲咩同“雞”有關嘅有趣事?

喺台語裡面“雞仔腸、鳥仔肚”、“歪喙雞食好米”、“四兩雞仔半斤頭”、“生雞卵無、放雞屎有”、“偷掠雞嘛著一把米”、“年頭伺雞栽、年尾做月內”呢一系列台灣話大家知道描述嘅係啲咩嗎?來自台灣嘅美啦會為大家解說啦!

海南雞飯、青咖喱雞,一聽就口水流了!嫁到澳門多年的泰國小食店老闆娘Sa姐亦會教我哋用泰文講吓新年祝賀語㗎!另外,喺泰國既大城府Ayutthaya亦有一段同“雞”有關嘅傳說故事,一齊重溫聽吓吖。

**按此收聽-♫ 丁酉雞年 – “雞”在各地的文化和生活用語(台語篇)**

 

 

泰國小食店老闆娘Sa姐

泰國小食店老闆娘Sa姐

 

 

 

來自台灣的Meila

來自台灣的Meila

澳門電台#生活朝點【丁酉雞年 – “雞”在各地的文化和生活用語(英語篇)】


英文老師Carla

英文老師Carla

適逢雞年,喺澳門呢個國際化城市大家應該都有見到英文版本嘅“雞年快樂”啦!有無留意到“雞”字並唔係用“Chicken”而係“Rooster”呢?原來“Chicken”喺英語文化同生活用語中有一般帶有比較負面嘅意思㗎喎。今集內容英文老師Carla就會同大家介紹下,等大家避免對住西方人講咗帶有侮辱性說話都唔知,同時又一齊嚟學吓有邊啲帶有“雞”字嘅英文片語,仲有祝福人哋“身體健康”同“恭喜發財”嘅英文祝賀語吖!

**按此收聽-♫ 丁酉雞年 – “雞”在各地的文化和生活用語(英語篇)**

 

 

澳門電台#生活朝點【丁酉雞年 – “雞”在各地的文化和生活用語(葡語篇)】


土生葡人Carlos

土生葡人Carlos

喺葡國同澳門都經常見到嘅葡國幸運公雞嘅故事由來係點嘅呢?喺葡國文化中又有啲咩象徵意義?

葡萄牙常見手信“變色天氣雞”又有咩特別?

收聽今集重溫,土生葡人Carlos除咗會話畀大家知,仲會教我哋用葡文講“雞年快樂!”同“身體健康”添!

**按此收聽-♫ 丁酉雞年 – “雞”在各地的文化和生活用語(葡語篇)**

 

 

澳門電台#生活朝點【丁酉雞年 – “雞”在各地的文化和生活用語(中文篇)】


中國民間文藝協會會員、大學高級講師胡國年老師

中國民間文藝協會會員、大學高級講師胡國年老師

“一蚊雞”、“二撇雞”、“倀雞”、“雞犬不寧”、“雞飛狗走”呢啲同雞有關嘅成語、俚語同俗語我哋經常都會掛喺嘴唇邊,特別係喺南方嘅廣東話添!

農曆雞年,我哋一口氣為大家請嚟七位嘉賓分別介紹“雞”喺唔同地方文化中嘅象徵意義,同埋“雞”係點樣融入到各地嘅習俗同語言當中,包括中文、英文、葡文、日文、泰文、台語同韓文等。

今集中文篇我哋先請嚟中國民間文藝協會會員、大學高級講師胡國年老師為我哋介紹“雞”喺中華文化中嘅地位,同大家一齊溫習吓平時應用喺我哋生活中有“雞”字嘅詞語,仲有雞同狗之間嘅傳說延伸出嚟嘅關係添!

千祈咪走雞,率先重溫:

**按此收聽-♫ 丁酉雞年 – “雞”在各地的文化和生活用語(中文篇)**

 

 

標籤雲