逢星期一至五 早上10:30-1:00 (FM100.7 澳門電台)

Posts tagged ‘漫步澳門’

澳門電台《生活朝點》# 訪民署活動導賞員-屈寶蓮、梁永發、李麗芳


由右至左:李麗芳(Sandra) 、談詠秋(Tracy)、屈寶蓮(阿屈)、梁永發(發仔)

【民署活動導賞員 退而不休推廣澳門歷史與文化】

大家有冇去參觀過澳門基本法紀念館或者參加過民署舉辦嘅「漫步澳門街」系列活動呢?唔知又會唔會諗過喺過程中帶住大家參觀澳門大街小巷、分享過往生活同澳門歷史嘅導賞員們,本身可能就係喺澳門土生土長,甚至到咗退休年齡仍不斷學習、做資料搜集同練習公眾演講,就係為咗同更多居民同旅客分享澳門嘅故事,推廣本地文化,大家嘅街坊鄰里呢?

早前一集《生活寫真》,三位民署活動導賞員屈寶蓮(阿屈)、梁永發(發仔)、李麗芳(Sandra )嚟到澳門電台,同主持如欣同埋聽眾們分享佢地報名申請、經過面試、接受培訓、反覆練習成為導賞員嘅原因同故事。喺澳門長大、生活嘅佢哋,除咗學習到嘅內容,仲有佢哋每個人都不一樣的故事可以同參加活動嘅人分享,呢啲都係珍貴而有價值啊!當然仲唔少得分享番佢哋喺導賞過程中嘅感受、樂趣同挑戰啦!

另外,民政總署代表談詠秋(Tracy)亦會介紹招募「民間」導賞員嘅背景同原意,同埋評價導賞員們對活動嘅影響添。

一齊重溫一下四位同我哋分享嘅內容吖!

收聽重溫: 

* 用電腦收聽可能需調較允許flash功能才能打開,用手提電話重溫應可順利開到喔~

 

廣告

澳門電台《生活朝點》# 《漫步澳門街》“圍”、“里”生活風情


客席專業導賞員歷史學博士邢榮發先生以及法國文化遺產建築師呂澤強先生、民政總署代表談詠秋小姐活動結束後同各位參加者合影

客席專業導賞員歷史學博士邢榮發先生以及法國文化遺產建築師呂澤強先生於活動結束後同各位參加者合影

 【昔日圍、里社區文化 盡顯鄰里互助面貌】

“圍”、“里”係澳門現存最小層級嘅道路。喺過往澳門居民大多生活喺呢啲“圍”、“里”裡面,喺公共空間擺放枱櫈食飯、遊戲、傾計,鄰居之間有住緊密嘅接觸同聯繫。

上個星期六,“朝點”主持如欣同一班對文化路線有興趣嘅澳門街坊同年青人一齊參與民政總署舉辦嘅《漫步澳門街》“圍”、“里”生活風情嘅專家導賞團,一齊細味一系列現存富有特色的“圍”、“里”,探究昔日生活風情。

本澳兩位專家-歷史學博士邢榮發先生以及法國文化遺產建築師呂澤強先生係今次行程嘅客席專業導賞員,連結好多澳門不同時代嘅歷史、建築物特色同參加者一齊細味澳門本土生活同文化。主辦單位民政總署代表談詠秋小姐(Tracy)連同路線設計者之一唐顯榮先生會分享活動意義同路線設計理念,另外亦介紹近日民署新增設嘅澳門街道說明牌設置位置同功能。至於活動參加者-土生土長澳門居民、年屆七十嘅區小姐同另一年青參加者Nero各自對活動又有啲啲咩感想?

活動詳細內容同路線中各“圍”同“里”嘅特別之處,記得重溫以下連結啦!

“圍”、“里”生活風情路線:六屋圍(福六里)-苦力圍(聚龍里) -福榮里-玫瑰里(聚龍通津、騎樓街)-永福圍(永慶里)-茨林圍

收聽重溫: 

* 用電腦收聽可能需調較允許flash功能才能打開,用手提電話重溫應可順利開到喔~
六屋圍

六屋圍

福榮里與茨林圍

福榮里與茨林圍

 

標籤雲